Gulnora va boshqalar…

Gulnora Karimovaning umumiy tartibdagi qamoqqa o‘tkazilishi va farzandlarining dunyoga sharmanda bo‘ldingiz deb jar solishi mavsum-mavsum bo‘lib davom etadigan serialni yodga solyapti. Va bosh qahramon har safar hayratlantirishdan charchamayapti.

Shaxsan menga bu voqealar syujetning mantiqiy rivojlanib borishidek ko‘rinyapti.

Avvalo, GKni o‘z otasi qamagan. Aynan GKning o‘zi qilmishlari tufayli O‘zbekistonni dunyoga sharmanda qilgan. «Teliasonera» mojarosidan keyin «kelayotgan» investorlar endi kelmay qo‘yarkanmi?

Ikkinchidan, GK tuhmat bilan emas, haqiqatda qilgan aybi uchun jazo o‘tayapti.

Uchinchidan, tartibni buzibdi, «beruxsat ko‘chaga va tarmoqqa chiqibdi». Demak, bu ayol o‘zgarmagan, hamon o‘sha sabotajchi va qonunga itoat etmaydigan insonligicha qolgan.

Imon Karimova allaqanday kelishuv buzilgani va endi ular ham jim turmasligini aytibdi. Ko‘raylik, eshitaylik. Agar chindan ham aytishga arzirlik gaplari bo‘lsa, voqealar rivoji yana qiziydi.

Bahonada biz balki yanada qiziqroq narsalarni bilib olarmiz. Har holda, haqiqatlarning aytilgani durust.

Bloger Shahnozaxon
@shahnozxon

P.S: Shu paytgacha uy qamog‘ida saqlangan Gulnora Karimovani sud 5 mart kuni sud ayollar koloniyasiga o‘tkazgan edi.