Asosiy mavzular
28 iyun 2023

Egizaklarni kim o‘ldirdi?

Toshkentlik ayol Dilrabo Sherova akusher-ginekolog Dilya Sataevani 26 haftalik egizak farzandlari o‘limiga sabab bo‘lgan ehtiyotsizlikda aybladi.    

25 yashar Dilrabo Sherovaga ko‘ra,  22 iyun kuni belida kuchli og‘riq paydo bo‘lgach,  tez yordam mashinasida Toshkent shahar Mirzo Ulug‘bek tumanidagi 6-roddomga olib ketishgan.   

Sherovaning iddao qilishicha,  unda kuchli og‘riq bo‘lishiga qaramay,   qabulxonada uzoq vaqt kuttirishgan va co‘ngra osma ukol berib,  qarovsiz qoldirishgan.   

Uning ta'kidlashicha,  vrach Dilya Sataeva unga nisbatan nihoyatda qo‘pol munosabatda bo‘lgan.  

«Nega baqirasan, sendan boshqa kasal yo‘qmi? Bu nechinchi marta kelishing, uyalmasdan to‘rt marta yotib chiqding, endi jim kut, deb, jerkib chiqib ketti,» deydi Dilrabo Sherova.  

U kasalxonaning ginekologiya bo‘limida kechki soat 21:30 gacha yotgan va so‘ngra tug‘ruq stoliga yotqizilgan.  

Sherovaning iddao qilishicha, kasalxona xodimlari uning bolalarini «qutqarishga urinmayotgani aniq edi».  

Ayol soat 21:45da birinchi farzandini dunyoga keltiradi. 

«Biroq, xonada tug‘ish uchun hech narsa tayyorlanmagan, hatto yangi tug‘ilgan chaqaloqni o‘rash uchun mato ham yo‘q edi,» deb eslaydi u.   

Ayolga ikki farzandi dunyoga kelishidan oldin, ehtiyoj bo‘lmasada, narkoz berishadi.  Soat 22:45 da Sherovaning ikkinchi farzandi dunyoga keladi.   

Uning ta'kidlashicha, ikkala farzandi ham tug‘ilgandan so‘ng darhol maxsus jihozlarga qo‘yilmagani uchun vafot etgan.   

“Farzandlarim o‘limi sababi so‘ralganda, bolani infeksiya bosgan,  qorayib ketgan, degan yolg‘on bahonalar aytildi. UZD xulosalaridan bolalar sog‘lomligi ko‘rinib turibdi,” degan Dilrabo Sherova Eltuzga ultratovush videosi va qo‘shimcha hujjatlarni yo‘lladi. 

Sherova endi vrach Dilya Sataevaga nisbatan tegishli choralar ko‘rishni talab qilmoqda.

U shikoyat bilan prokuraturaga ham ariza yozishini bildirdi.

«Maqsadim, farzandlarim qaytib kelmasada, yetarli chora ko‘rilishini so‘rash va boshqa ayollar mendaqa qiynalib vijdonsiz vrachlarga ishonib qolmasliklari uchun ogohlantirish,» dedi ikki farzandidan ayrilgan ayol.     

Tag‘in o‘qing
29 sentyabr 2016
«Hurriyat» gazetasi (28.09) yana axborot xuruji mavzusiga e'tibor qaratdi. Bu safar erkin kuzatuvchilar va mustaqil nashrlarning amaldagi bosh vazir ...
25 aprel 2017
Toshkent viloyatining Bo‘stonliq, Parkent, Piskent, Chinoz va Quyi Chirchiq tumanlari Ichki ishlar bo‘limlari boshliqlari birdaniga almashtirildi. Kuni kecha Toshkent ...
15 may 2018
Toshkentlik turkshunos olim Andrey Kubatinga o‘tgan yilning dekabrida Harbiy sud tomonidan berilgan 11 yillik muddat, yaqinda besh yilga tushirildi. ...
23 may 2018
O‘zbekistonda 2017 yilgi paxta yig‘im-terimi mavsumida bolalar mehnatidan foydalanish juda sezilarli darajada kamayganiga qaramay, majburiy mehnatdan foydalanish ko‘lami kengligicha ...
Bloglar
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...
30 aprel 2024
1990 yilning 30 aprelida mustaqil O‘zbekiston tarixidagi ilk demokratik partiya – «Erk»ning ta'sis qurultoyi bo‘lib ...